occurrenzas
Statuten Kirchenregion
Camp da confirmandas a Sion (ils 13 entochen ils 16-5-2021)
Las confirmandas da Castrisch, Sevgein, Riein, Strada e Vuorz han gudiu in pèr bellezia gis, cun sulegl e plievgia el Valeis ed a Losanna. Spiritualitad, aventuras e cumpignia han dau biala colur a nies camp
Priedi da Pastgas 2020
Priedi sut tschiel aviert
Per la finiziun dalla sanaziun dalla tegia dall’Alp Dadens en Dadens (Vuorz) ha giu liug in survetsch divin ecumen sut tschiel aviert ils 8 da fenadur 2018. Igl ei stau ina bellezia fiasta d’inauguraziun alla quala puras e purs han envidau. Malgrad che la via ei buc adattada per mintga vehichel ha ina gronda raspada dau suatientscha agl invit. Il survetsch divin sut tschiel aviert sin 2000 meters sur mar ha retschiert ina nota speciala entras il batten da quater affons. Silsuenter ha ei dau ina buna marenda e buna cumpignia. Il suprastont communal e responsabel per l’agricultura, Heini Hunger, ha raquintau ord la historia dall’Alp Dadens en Dadens (Alp Dadens sura), ed il cau d’alp, Jeremias Risch ha explicau il menaschi d’alp dils purs da Vuorz.
La bellezia dumengia vegn a restar en buna memoria. Alla societad d’alp Vuorz in grond Deus paghi persuenter.
Buna cumpignia sil viadi dils seniors al Lag Rivaun
Ils 19 da zercladur ha in grond diember da seniors dallas pleivs da Vuorz e Schnaus fatg in bellezia viadi al Lag Rivaun. Grondius'aura, buns discuors a Jenins, Quinten e Panaduz, bials muments sil bastiment, in gustus gentar a Quinten ed uras plein legria han dau ina tempra extraordinaria a quest viadi. La sera ein tuts returnai cuntents e ventireivels a casa - plein regurdientschas e selegrond sin in auter onn.
Survetsch divin campester Munt s. Gieri
Ils 13 d’uost 2017 han las pleivs Andiast, Vuorz, Rueun, Siat, Pigniu, Schnaus e Glion festivau in survetsch divin campester a Munt s. Gieri. Bellezia aura, in survetsch divin festiv cun musica da tibas e silsuenter ina buna grillada cun buns discuors restan en buna memoria.
